Ղեկավարություն

14.03.2019

Ղեկավարություն

Մովսես Գառնիկի Վարդանյան

«Հայկական ատոմային էլեկտրակայան» ՓԲԸ գլխավոր տնօրեն

        Մովսես Գառնիկի Վարդանյանը ծնվել է 1963 թ. օգոստոսի 20-ին, Թալինի շրջանի Աշնակ գյուղում: Մինչև ութերորդ դասարանը սովորել է Աշնակի միջնակարգ դպրոցում, այնուհետև տեղափոխվել է Երևանի թիվ 125 դպրոց և ավարտել ֆիզիկամաթեմատիկական թեքումով դասարանը:  Նույն տարի` 1980 թվականին, ընդունվել է Երևանի պետական ճարտարագիտական համալսարանի (Պոլիտեխնիկ) էներգետիկական ֆակուլտետը:

 1985 թ. ավարտել է համալսարանը և գործուղվել Մեծամորի ատոմակայան` որպես երիտասարդ մասնագետ:
  Սկսել է աշխատանքը ՀԱԷԿ-ի տուրբինային արտադրամասի ամենացածր` շրջիկ մեքենավարի հերթափոխային աշխատանքից, այնուհետև աշխատել է որպես տուրբինային սարքավորումների մեքենավար, ղեկավարման վահանակի մեքենավար, 24 տարեկանում` հերթափոխի պետ:
  1995թ. բարեխիղճ հանձնել է համապատասխան բոլոր քննությունները և ստանձնել կայանի հերթափոխի պետի պաշտոնը: Աշխատել է այդ պաշտոնում մինչև 2002 թվականը:
  2002թ. նշանակվել է ՀԱԷԿ-ի գլխավոր ճարտարագետ: 
  2014թ. ստաձնել է կայանի գլխավոր տնօրենի ժամանակավոր պաշտոնակատարի պարտականությունները:
  2015թ. պաշտոնապես նշանակվել է ատոմակայանի գլխավոր տնօրեն: 
  Ամուսնացած է։ Ունի 3 երեխա։

 


Արթուր Ռուբիկի Գրիգորյան 

«Հայկական ատոմային էլեկտրակայան» ՓԲԸ գլխավոր ճարտարագետ

     Արթուր Ռուբիկի Գրիգորյանը ծնվել է 1978թ. oգոստոսի 21-ին, Մեծամոր քաղաքում: 1995թ. ավարտել է Մեծամոր քաղաքի թիվ 2 միջնակարգ ռուսական դպրոցը: 
1995-2001թթ սովորել է ՌԴ Օբնինսկի ատոմային էներգետիկայի համալսարանի` (Գիտահետազոտական ինստիտուտ, ՄՃՖԻ) ֆիզիկայի և էներգետիկայի ֆակուլտետում, «ատոմային  էլեկտրական կայաններ և տեղակայանքներ» մասնագիտությամբ` ստանալով «ճարտարագետ-ֆիզիկոս-ջերմաէներգետիկ» որակավորում:
2001թ. մարտին ընդունվել է աշխատանքի «ՀԱԷԿ» ՓԲԸ, որպես Ռեակտորային արտադրամասի օպերատոր:
2001թ. հունիս ամսին զորակոչվել է ծառայության ՀՀ ՊՆ ԶՈՒ: 
Ծառայության ավարտից հետո, 2003թ-ին շարունակել է աշխատանքը «ՀԱԷԿ» ՓԲԸ-ում, որպես Ռեակտորային արտադրամասի առաջատար ճարտարագետ; այնուհետև Շահագործման փորձի բաժնի առաջատար ճարտարագետ; Ռեակտորային արտադրամասի ռեակտորի կառավարման առաջատար ճարտարագետ: 
2008թ-ից Ռեակտորային արտադրամասի հերթափոխի պետ:
2013թ. հոկտեմբերի 25-ին համապատասխան բոլոր քննությունները հանձնելուց և  ՀՀ կառավարությանն առընթեր միջուկային անվտանգության կոմիտեի կողմից արտոնագիր ստանալուց հետո նշանակվել է կայանի հերթափոխի պետ: 
2016թ. հունվարի 21-ին նշանակվել է «ՀԱԷԿ» ՓԲԸ գլխավոր ճարտարագետ:
Ամուսնացած է, ունի 2 երեխա:

 

                Արթուր Մերուժանի Բաղդասարյան

«Հայկական ատոմային էլեկտրակայան» ՓԲԸ գլխավոր տնօրենի տեղակալ՝ կոմերցիոն և գնումների հարցերով տնօրեն

Արթուր Մերուժանի Բաղդասարյանը ծնվել է 1978թ. փետրվարի 7-ին քաղաք Երևանում, ծառայողների ընտանիքում: Հաճախել է Երևան քաղաքի թիվ 166 միջնակարգ դպրոցը:

1995թ.ընդունվել է Հայաստանի պետական ճարտարագիտական համալսարանի «Մեքենաշինության ավտոմատացում և ռոբոտատեխնիկա» ֆակուլտետը, որն ավարտել է 2000թ. ստանալով ճարտարագետ մագիստրոսի աստիճան:

1995-1996թ. աշխատել է «Թովիչ» ՍՊԸ-ում ապրանքագետ:

1996-2001թ. աշխատել է «Քար և Սիլիկատներ» ՍՊԸ-ում ճարտարագետ:

2001-2002թ. աշխատել է «Հայռուսգազարդ» ՓԲԸ-ում  ճարտարագետ:

2002-2005թ. «Հայռուսգազարդ» ՓԲԸ-ում գլխավոր մասնագետ, այնուհետև առաջատար ճարտարագետ:

2005-2008թ. աշխատել է «Հայռուսգազարդ» ՓԲԸ-ում նախագծային ծառայության պետ:

2008-2009թ. Շենգավիթ վարչական շրջանի «Արտադրաշահագործման ծառայության» պետ:

2009-2012թ. Զեյթուն-Ավան վարչական շրջանի «Արտադրաշահագործման ծառայության» պետ:

2012-2014թ. Նորք-Մարաշ վարչական շրջանի «Արտադրաշահագործման ծառայության» պետ:

2014-2016թ. աշխատել է «Հայռուսգազարդ» ՓԲԸ-ում նախագծային-նախահաշվային ծառայության պետ:

2016թ. զբաղեցրել է «Բարձրավոլտ էլետրական ցանցեր» ՓԲԸ տնօրենի պաշտոնը:

2017թ. հոկտեմբերի 20-ից աշխատանքի է անցել «Հայկական ատոմային էլեկտրակայան» ՓԲԸ-ում , որպես՝ գլխավոր տնօրենի առաջին տեղակալ:

2018թ. հունվարի 8-ից նշանակվել է «ՀԱԷԿ» ՓԲԸ գլխավոր տնօրենի տեղակալ՝ կոմերցիոն և գնումների հարցերով տնօրեն:

 

Աշոտ Մարտիրոսի Օրդուբեկյան

 «Հայկական ատոմային էլեկտրակայան» ՓԲԸ գլխավոր ճարտարագետի տեղակալ՝

շահագործման գծով

Աշոտ Մարտիրոսի Օրդուբեկյանը ծնվել է 1956թ. նոյեմբերի 12-ին Արմավիրի մարզի Արմավիր քաղաքում:

1963թ. ընդունվել և 1973թ.  ավարտել է Արմավիր քաղաքի թիվ 1 միջնակարգ  դպրոցը:

1975թ. ընդունվել և 1980թ. ավարտել է  Երևանի Կ. Մարքսի անվան Պոլիտեխնիկական ինստիտուտի Էլեկտրոտեխնիկայի  ֆակուլտետի « Քիմիկո-տեխնոլոգիական պրոցեսների ավտոմատացում» բաժինը, ստացել է ինժեներ-տեխնոլոգի որակավորում:

1980թ. դեկտեմբերի 16-ից ընդունվել է Հայակական ատոմային էլեկտրակայան (ՀԱԷԿ), աշխատել է Ջերմային ավտոմատիկայի և չափումների արտադրամասում  (ՋԱևՉԱ) էլեկտրափականագործ:

1981թ. աշխատել է ՋԱևՉԱ-ի հերթապահ ճարտարագետ:

1983թ. նշանակվել է ՋԱևՉԱ-ի հերթափոխի պետ:

1997թ. նշակակվել է Հայկական ատոմային էլեկտրակայանի հերթափոխի պետ:

2010թ. նշանակվել է գլխավոր ճարտարագետի տեղակալ՝ շահագործման գծով:

 

Վովա Արամի Աթոյան

 «Հայկական ատոմային էլեկտրակայան» ՓԲԸ գլխավոր ճարտարագետի տեղակալ՝ անվտանգության գծով

Վովա Արամի Աթոյանը  ծնվել է 1957թ.  ապրիլի 8-ին Շամշադինի շրջանի Նորաշեն գյուղում,  բանվորի ընտանիքում:

1963թ.  ընդունվել  և 1973թ. ավարտել է Նորաշենի միջնակարգ դպրոցը: 1973թ. ընդունվել է Երևանի Պետական Համալսարանի Ռադիոֆիզիկայի ֆակուլտետը, որն ավարտել է 1978թ,  ստանալով    ֆիզիկոսի որակավորում:

1978թ. սեպտեմբերին, որպես երիտասարդ մասնագետ,  գործուղվել է ՀԱԷԿ և ընդունվել աշխատանքի «Աշխատանքի պահպանություն և անվտանգության տեխնիկա»  բաժնում՝ որպես էլեկտրափականագործ:

1979թ. մայիսին նշանակվել է նույն բաժնի հերթափոխի պետ:

1983թ. անցել է որակավորման բարձրացման դասընթացներ Մոսկվայի ինժեներա-ֆիզիկական ինստիտուտում  «Ատոմային էլեկտրակայանների շահագործում»  թեմայով:

1985թ. փետրվարին նշանակվել է «Աշխատանքի պահպանություն և անվտանգության տեխնիկա»  բաժնի պետի տեղակալ:

1988թ. սեպտեմբերին նշանակվել է նույն բաժնի պետ:

1991թ. օգոստոսից մինչև 1993թ. ապրիլը  աշխատել է նույն բաժնի  ակտիվազերծման տեղամասում, որպես I կարգի  ճարտարագետ:

1993թ. ապրիլին նշանակվել է «Աշխատանքի պահպանություն և անվտանգության տեխնիկա» բաժնի պետի տեղակալ:

1996թ. ապրիլից ղեկավարել է ՀԱԷԿ-ի «Ռադիացիոն անվտանգության» բաժինը:

2010թ. դեկտեմբերի 20-ից աշխատում է գլխավոր ճարտարագետի ՝անվտանգության գծով տեղակալի պաշտոնում: 

 

Մելիք Սուրենի Կարապետյան

«Հայկական ատոմային էլեկտրակայան» ՓԲԸ գլխավոր ճարտարագետի տեղակալ՝

վերանորոգման գծով

Մելիք Սուրենի Կարապետյանը ծնվել է 1955թ.  սեպտեմբերի 4-ին Անիի շրջանի  գյուղ Լանջիկում:  2 տարեկանում  ընտանիքով տեղափոխվել են Արմավիրի մարզ  Նոր-Ամասիա գյուղ, որի միջնկարգ դպրոցն էլ հաճախել է մինչև  8-րդ դասարանը: Այնուհետև սովորել և 1972թ.  ավարտել է Արմավիր գյուղի միջնակարգ  դպրոցը, ստանալով 10-ամյա կրթություն:

Նույն թվականին ընդունվել է Երևանի Կ. Մարքսի անվան Պոլիտեխնիկական ինստիտուտի «Մեքենաշինության տեխնոլոգիա, մետաղահատ հաստոցներ և գործիքներ» ֆակուլտետը, որն ավարտել է 1977թ-ին  ստանալով  ինժեներ-մեխանիկի որակավորում:

1977-1979թթ.  աշխատել է Գիտությունների ակադեմիայի Ռադոիֆիզիկայի ինստիտուտի օպտիկամեխանիկական լաբորատորիայում որպես  կոնստրուկտոր, հասնելով մինչև I կարգի ճարտարագետի որակավորման:

1979թ.  հոկտեմբերի 19-ից աշխատել  է «ՀԱԷԿ» ՓԲԸ-ում, որպես ավագ ինժեներ-տեխնոլոգ Մեխանիկական արտադրամասում:

1980թ. տեղափոխվել է Տուրբինային արտադրամաս , աշխատել է վարպետ, այնուհետև ավագ  վարպետ:

1986-1994թթ. տեղափոխվել է Կենտրոնացված վերանորոգումների արտադրամաս ( ԿՎԱ) աշխատել է պետի տեղակալի պաշտոնում՝ տուրբինի գծով:

1994թ. օգոստոսին  դուրս է եկել աշխատանքից:

1997թ. հունիսի 29-ին կրկին ընդունվել է «ՀԱԷԿ» ՓԲԸ՝  աշխատելով որպես վարպետ, ավագ վարպետ, Հիդրոկառույցներ տեղամասի Պլանային տեխնիկական բաժնում խմբի ղեկավար:

2012թ. կրկին նշակակվել է ԿՎԱ-ի պետի տեղակալ՝ տուրբինի գծով:

2014թ. նշանակվել է գլխավոր ճարտարագետի տեղակալ՝ վերանորոգման գծով:

 

Լեոնտի Ղունկյանոսի Չալոյան

 «Հայկական ատոմային էլեկտրակայան» ՓԲԸ գլխավոր ճարտարագետի տեղակալ՝

արդիակացման և վերակառուցման գծով:

Լեոնտի Ղունկյանոսի Չալոյանը ծնվել է  1952թ.  օգոստոսի 20-ին, Ալթայի  երկրամասի Ուստ- Կալմանյան շրջանի 3-րդ  Կալմանյան սովխոզում: 6 տարեկանում ընտանիքով տեղափոխվել են  Հայաստան  բնակություն հաստատելով   Գյումրի  (նախկին Լենինական) քաղաքում,  ավարտել է Գյումրիի  թիվ 14 ռուսական դպրոցը:

1969թ. ընդունվել է Երևանի Կ. Մարքսի անվ. Պոլիտեխնիկական ինստիտուտի Ջերմաէներգետիկ պրոցեսների ավտոմատացում ֆակուլտետը, որն ավարտել է 1974թ-ին: Աշխատել է նույն ինստիտուտում, որպես ավագ լաբարանտ մինչև  1985թ:

1977թ. աշխատանքի է անցել հայկական ատոմային էլեկտրակայանում, աշխատելով որպես ՝ Ջերմային ավտոմատիկայի և չափումների արտադրամասի  (ՋԱևՉԱ) վարպետ: 1979թ նշանակվել է նույն արտադրամասի պետի տեղակալ՝  շահագործման գծով, իսկ  1987թ-ից (ՋԱևՉԱ)  արտադրամասի պետ: 1994թ  նշանակվել է տնօրենի տեղակալ՝ արտաքին կապերի գծով: 2000թ-ից մինչ այսօր աշխատում է ՀԱԷԿ-ում՝ որպես գլխավոր ճարտարագետի տեղակալ ՝ արդիակացման և վերակառուցման գծով:

 

Հունան Հունանի Հունանյան

 «Հայկական ատոմային էլեկտրակայան» ՓԲԸ գլխավոր ճարտարագետի տեղակալ՝

անձնակազմի գծով  և Ուսումնավարժական կենտրոնի պետ

Հունան Հունանի Հունանյանը  ծնվել է 1959թ. հունիսի 1-ին Թալինի շրջանի Ագարակ գյուղում:

1966-1974թթ.   սովորել է  գյուղի 8-ամյա դպրոցում, այնուհետև 2 տարի սովորել է Ներքին- Բազմաբերդ գյուղի միջնակարգ դպրոցում, ավարտել է 1976թ:

1976թ.  ընդունվել է Կ.Մարքսի անվան Պոլիտեխնիկական ինստիտուտի  Էներգետիկայի ֆակուլտետի « էլեկտրական կայաններ» բաժինը, ստացել է ճարտարագետ էլեկտրիկի որակավորում:

1981թ.  ընդունվել է «ՀԱԷԿ» ՓԲԸ,  աշխատելով  Էլեկտրական արտադրամասում  (ԷԱ) որպես էլեկտրամոնտյոր, այնուհետև ավագ հերթապահ:

1984թ. նշանակվել է Էլեկտրական արտադրամասի  հերթափոխի պետ:

1987թ. աշխատել է Ուսումնավարժական կետում կայանի հերթափոխի պետ, դասընթացավար:

1989թ. նշանակվել է ՀԱԷԿ-ի հերթափոխի պետ:

1993թ. աշխատել է ՀԱԷԿ-ի  հերթափոխի ավագ  պետ:

2002թ.  նշանակվել է  գլխավոր ճարտարագետի տեղակալ՝  շահագործման գծով:

2011թ.  նշանակվել է  գլխավոր ճարտարագետի տեղակալ՝  անձնակազմի գծով:

2015թ. նշանակվել է  գլխավոր ճարտարագետի տեղակալ ՝անձնակազմի գծով  և Ուսումնավարժական կենտրոնի պետ: