Անկախ Պետությունների Համագործակցության խորհրդի անդամ, ՀՀ էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանը դեկտեմբերի 27-ին Անկախ Պետությունների Համագործակցության էլեկտրաէներգետիկական խորհրդի (ԱՊՀ ԷէԽ) կողմից պատվավոր կոչումներ և պատվոգրեր է հանձնել Հայաստանի էներգետիկայի բնագավառի վաստակաշատ մի շարք աշխատակիցների: 
ԱՊՀ անդամ պետությունների էլեկտրաէներգետիկական համակարգի զարգացման և ինտեգրացիոն գործընթացների ընդլայնման գործում ունեցած նշանակալի ավանդի համար «ԱՊՀ վաստակավոր էներգետիկ» պատվավոր կոչումներ են շնորհվել նաև  ՀԱԷԿ-ի աշխատակիցներ Լեոնտի Ղունկյանոսի Չալոյանին և  Վովա Արամի Աթոյանին:
Նախարարի պաշտոնակատար Գարեգին Բաղրամյանը շնորհավորել է բոլոր  պարգևատրվածներին և մաղթել առողջություն, անսպառ եռանդ, նորանոր հաջողություններ ու ձեռքբերումներ:

Վովա Արամի Աթոյանը  ծնվել է 1957թ.  ապրիլի 8-ին Շամշադինի շրջանի Նորաշեն գյուղում,  բանվորի ընտանիքում:

1963թ.  ընդունվել  և 1973թ. ավարտել է Նորաշենի միջնակարգ դպրոցը: 1973թ. ընդունվել է Երևանի Պետական Համալսարանի Ռադիոֆիզիկայի ֆակուլտետը, որն ավարտել է 1978թ,  ստանալով    ֆիզիկոսի որակավորում:

1978թ. սեպտեմբերին, որպես երիտասարդ մասնագետ,  գործուղվել է ՀԱԷԿ և ընդունվել աշխատանքի «Աշխատանքի պահպանություն և անվտանգության տեխնիկա»  բաժնում՝ որպես էլեկտրափականագործ:

1979թ. մայիսին նշանակվել է նույն բաժնի հերթափոխի պետ:

1983թ. անցել է որակավորման բարձրացման դասընթացներ Մոսկվայի ինժեներա-ֆիզիկական ինստիտուտում  «Ատոմային էլեկտրակայանների շահագործում»  թեմայով:

1985թ. փետրվարին նշանակվել է «Աշխատանքի պահպանություն և անվտանգության տեխնիկա»  բաժնի պետի տեղակալ:

1988թ. սեպտեմբերին նշանակվել է նույն բաժնի պետ:

1991թ. օգոստոսից մինչև 1993թ. ապրիլը  աշխատել է նույն բաժնի  ակտիվազերծման տեղամասում, որպես I կարգի  ճարտարագետ:

1993թ. ապրիլին նշանակվել է «Աշխատանքի պահպանություն և անվտանգության տեխնիկա» բաժնի պետի տեղակալ:

1996թ. ապրիլից ղեկավարել է ՀԱԷԿ-ի «Ռադիացիոն անվտանգության» բաժինը:

2010թ. դեկտեմբերի 20-ից աշխատում է գլխավոր ճարտարագետի ՝անվտանգության գծով տեղակալի պաշտոնում: 

2012թ. ՀՀ ՊՆ-ի կողմից պարգևատրվել է <<Անդրանիկ Օզանյան>> մեդալով, իսկ 2016թ.` ՀՀ վարչապետի հուշամեդալով:

Լեոնտի Ղունկյանոսի Չալոյանը ծնվել է  1952թ.  օգոստոսի 20-ին, Ալթայի  երկրամասի Ուստ- Կալմանյան շրջանի 3-րդ  Կալմանյան սովխոզում: 6 տարեկանում ընտանիքով տեղափոխվել են  Հայաստան  բնակություն հաստատելով   Գյումրի  (նախկին Լենինական) քաղաքում,  ավարտել է Գյումրիի  թիվ 14 ռուսական դպրոցը:

1969թ. ընդունվել է Երևանի Կ. Մարքսի անվ. Պոլիտեխնիկական ինստիտուտի Ջերմաէներգետիկ պրոցեսների ավտոմատացում ֆակուլտետը, որն ավարտել է 1974թ-ին: Աշխատել է նույն ինստիտուտում, որպես ավագ լաբարանտ մինչև  1985թ:

1977թ. աշխատանքի է անցել հայկական ատոմային էլեկտրակայանում, աշխատելով որպես ՝ Ջերմային ավտոմատիկայի և չափումների արտադրամասի  (ՋԱևՉԱ) վարպետ: 1979թ նշանակվել է նույն արտադրամասի պետի տեղակալ՝  շահագործման գծով, իսկ  1987թ-ից (ՋԱևՉԱ)  արտադրամասի պետ: 1994թ  նշանակվել է տնօրենի տեղակալ՝ արտաքին կապերի գծով: 2000թ-ից մինչ այսօր աշխատում է ՀԱԷԿ-ում՝ որպես գլխավոր ճարտարագետի տեղակալ ՝արդիակացման և վերակառուցման գծով: