Համապետական շաբաթօրյակ

23.03.2019

Համապետական շաբաթօրյակ

Ս/թ մարտի 21-ին տեղի է ունեցել  ՀՀ տարածքային կառավարման և զարգացման նախարար Սուրեն Պապիկյանի մամուլի ասուլիսը՝ նվիրված սույն թվականի մարտի 23-ին կայանալիք համապետական շաբաթօրյակի միջոցառումներին: Սուրեն Պապիկյանը նշել է, որ յուրաքանչյուր համայնք այցելելիս այդ համայնքի ղեկավարի կամ այդ համայնքի բնակչի պահանջատիրության մասին ես կարծիք եմ կազմում այդ համայնքի մաքրությամբ: Հայաստանը աղբից ազատելը մեզ համար առանցքային իմաստ և նշանակություն ունի, քանի որ իրական պահանջատեր ու իրավատեր քաղաքացի մենք կունենանք միայն այն պարագայում, երբ Հայաստանի յուրաքանչյուր անկյունի նկատմամբ նա դրսևորի պատշաճ հոգածություն:

                                    Համապետական շաբաթօրյակ

 Ս/թ մարտի 23-ին համապետական առաջին շաբաթօրյակին մաքրության և աղբահավաքության աշխատանքներ իրականացվեց նաև  հայկական ատոմային էլեկտրակայանում (ՀԱԷԿ):

Շաբաթօրյակի շրջանակում մաքրվեց և բարեկարգվեց ՀԱԷԿ-ի տարածքի մուտքի  կարևոր  նշանակության ճանապարհների հարակից տարածքները, տարածքում գտվող խաչքարերը, մատուռը, ՀԱԷԿ-ի պատմության  թանգարանը:  «ՀԱԷԿ» ՓԲԸ գլխավոր տնօրեն  Մ. Վարդանյանի որոշմամբ իրականացվեց նաև ՀԱԷԿ-ի ստորաբաժանումներին ամրացված տարածքների մաքրման և բարեկարգման աշխատանքներ, որոնց իրականացումը կատարվում է պարբերաբար նաև ողջ տարվա ընթացքում:

ՀԱԷԿ-ի ղեկավար անձնակազմի և հիմնական ստորաբաժանումների ղեկավարների մասնակցությամբ կատարվեց ծառատունկ:

Համապետական շաբաթօրյակին մասնակցեցին բոլոր արտադրամասերից  շուրջ 900 աշխատակից: Մաքրման և բարեկարգման աշխատանքների կազմակերպման նպատակով ներգրավեց  ընդհանուր հաշվով 5 միավոր տեխնիկա (ինքնաթափեր, բարձիչներ և կցասայլեր):

#մեկնիր ձեռքդ #վերցրու աղբը