10.08.2018
Իրականացվել է տեղեկատվահաշվողական համակարգի ծրագրատեխնիկական համալիրի սարքավորումների մուտքային վերահսկում
Հուլիսի 23-ին «Վեստ ինժինիրինգ»ՍՊԸ –ի (ООО«Вест-Инжиниринг») ներկայացուցիչը այցելել է ՀԱԷԿ՝ տեղեկատվահաշվողական համակարգի ծրագրատեխնիկական համալիրի սարքավորումների մուտքային վերահսկում իրականացնելու նպատակով: Մուտքային վերահսկման գործընթացը կազմակերպել է Տեխնիկական վերահսկողության բաժինը՝ Շահագործման երկարացման և ռեսուրսի բաժնի գլխավոր մասնագետների և «Ռուսատոմ Սերվիս» ընկերության ներկայացուցիչների մասնակցությամբ: Սարքավորումների ստուգման, մուտքային վերահսկման ընթացքում քանակական անճշտություններ կամ փաստաթղթային խնդիրներ չեն առաջացել. իր խոսքում փաստեց՝ Ջերմային ավտոմատիկայի և չափումների արտադրամասի պետի տեղակալ Սամսոն Պետրոսյանը: Շահագործման երկարացման և ռեսուրսի բաժնի գլխավոր մասնագետ Գրիգորի Անիսոնյանը նշեց, որ տեղեկատվական հաշվողական համակարգի ծրագրատեխնիկական համալիրի ամբողջական ներդրման գործընթացն ապահովելու համար նախատեսվում է 735 տվիչի մատակարարում: Նախատեսվում է նաև 18 արդյունաբերական համակարգչի մատակարարում, որոնց մոնտաժման և կարգաբերման աշխատանքները կիրականացվեն 2019թ-ին: Առաջիկայում նախատեսվում է տեղեկատվահաշվողական համակարգի միջոցով նոր պարամետրերի վերահսկման նախագծի մշակում և ՀԱԷԿ-ին տրամադրում ՌԴ ИК «АСЭ» ընկերության կողմից, իսկ վերահսկվող հին պարամետրերի արդիականացման նախագիծը կմշակի ՀԱԷԿ-ը: