31.05.2019
ՊՆՎ-2019
ՀԱԷԿ-ի շահագործման ժամկետի երկարացման ծրագրի շրջանակներում կատարման ենթակա հսկայածավալ աշխատանքներ ընդգրկող ՊՆՎ-2019թ-ի նպատակով ՀԱԷԿ-ի №2 էներգաբլոկի կանգը պլանավորված է 2019 թ.-ի հունիսի 1-ին՝ ժամը 00:00-ին, իսկ էներգաբլոկի գործարկումը՝ 102 օր հետո: Պլանային նախազգուշական վերանորոգման ընթացքում նախատեսվում են հետևյալ հիմնական աշխատանքները.
- ՋՋԷՌ-440 ռեակտորային տեղակայանքի միջին վերանորոգում,
- աշխատած վառելիքի ամբողջական բեռնաթափում ռեակտորի իրանի հետազոտման նպատակով,
- ռեակտորի իրանի գործիքային հետազոտում,
- ռեակտորի վերին բլոկի արատների վերացում,
- АТ-1 АТДЦН-200000/220/110/35 ավտոտրանսֆորմատորի ընթացիկ վերանորոգում,
- գլխավոր փակիչ սողնակների (ГЗЗ) (5) կապիտալ վերանորոգում և գործիքային հետազոտում,
- ՏԱ-3-ի կոնդենսատորի փոխարինում արդիականացման շրջանակներում,
- արագահան ջերմամեկուսացման փոխարինում երեք հանգույցների վրա (2,3,6) - ԳՇԽ,
- ՏԳ-4 գեներատորի և նրա գգրգռման համակարգի փոխարինում,
- Տ4 տրանսֆորմատորի փոխարինում,
- ՏԱ-4-ի (տուրբաագրեգատ) արդիականացում,
- ԱԶՈՏ-16 համակարգի փոխարինում (1-ից 2-րդ կոնտուր արտահոսման վերահսկման համակարգ),
- գլխավոր շրջանառու պոմպերի կապիտալ վերանորոգում (2,3,6);
- արդիականացման աշխատանքներ ցայտաջրմուղային համակարգում (спринклерная система),
- սնուցման ջրի տաքացուցչի փոխարինում,
- ՏԳ-3, 4 գեներատորների գազահովացման պոմպերի փոխարինում (НГО)
- կոնդենսատային պոմպերի փոխարինում (КЭН) (2,4),
- ՀԱԷԿ-ի կոմպրեսորային կայանի փոխարինում,
- դիզել-գեներատորային կայանի ընթացիկ վերանորոգում (5 դիզել-գեներատոր),
- սեյսմիկ պաշտպանության համակարգի փոխարինում,
- տուրբինի կարգավորման համակարգի կապիտալ վերանորոգում:
№4 ТВВ-220-2А գեներատորի փոխարինման աշխատանքները և ՏԱ-4 տուրբինի արդիականացումը կտևեն մինչև սեպտեմբերի վերջը:
***
ՀԱԷԿ-ի երկրորդ էներգաբլոկի շահագործման ժամկետի երկարացման ծրագրի շրջանակներում արդիականացման աշխատանքների իրականացման նպատակով ս/թ ապրիլի 17-ին ժամը 22:30-ին իրականացվել է չորրորդ տուրբագեներատորի կանգը: Կշարունակվեն ՀԱԷԿ-ի անվտանգության մակարդակի բարձրացման ուղղությամբ իրականացվող միջոցառումները, և կմեկնարկեն մեքենայական սրահի սարքավորումների արդիականացման աշխատանքները: