04.03.2019
Փորձնական շահագործման նպատակով «Շնեյդեր էլեկտրիկ» կորպորացիան ՀԱԷԿ-ին նվիրեց սարքավորում
Ս/թ փետրվարի 26-ին «ՀԱԷԿ» ՓԲԸ է այցելել «Շնեյդեր էլեկտրիկ» կորպորացիայի հայաստանյան ներկայացուցչության տնօրեն Ավետիք Քալանթարյանը: «ՀԱԷԿ» ՓԲԸ և «Շնեյդեր էլեկտրիկ» կորպորացիայի միջև կնքված պայմանագրի շրջանակներում Քալանթարյանը ՀԱԷԿ-ին փորձնական շահագործման նպատակով նվիրեց SEPAM 80NPP սարքավորումը՝ համապատասխան տեխնիկական փաստաթղթերով: Այնուհետև «ՀԱԷԿ» ՓԲԸ գլխավոր տնօրեն Մ. Վարդանյանի գլխավորությամբ տեղի ունեցավ աշխատանքային խորհրդակցություն՝ ղեկավար անձնակազմի և շահագրգիռ ստորաբաժանումների ղեկավարների մասնակցությամբ: Մ. Վարդանյանն իր խոսքում շնորհակալություն հայտնեց «Շնեյդեր էլեկտրիկ» կորպորացիայի հայաստանյան ներկայացուցչության տնօրեն Ավետիք Քալանթարյանին համագործակցության և աջակցության համար: