08.05.2018
Շնորհավորական ուղերձ Հաղթանակի օրվա` Մայիսի 9-ի առթիվ
Հարգելի´ հայրենակիցներ,
Ի սրտե շնորհավորում եմ ձեզ մայիսյան այս մեծ տոնի` Հաղթանակի օրվա կապակցությամբ:
Հիմա Հայաստանին ամենից առաջ խաղաղություն է հարկավոր և խաղաղ պայմաններում նվաճված հաղթանակներ: Եվ թող այդ հաղթանակները լինեն սպորտում, արվեստում, գիտության ու արտադրության մեջ:
Յուրաքանչյուրիս լավ կատարված աշխատանքը, լավ յուրացված գիտելիքները, սիրով ու հարգանքով լի ընտանիքները, ահա սրանք միասին պետք է կազմեն Հայաստանի հզորությունը:
Թո´ղ այս հաղթական տոնը առաջնորդի մեզ դեպի նորանոր ձեռքբերումներ և հաղթանակներ: