07.03.2019
Շնորհավորական ուղերձ՝ մարտի 8-ի առթիվ
Սիրելի կանայք և աղջիկներ,
ջերմորեն շնորհավորում եմ ձեզ Կանանց միջազգային օրվա՝ Մարտի 8-ի առթիվ՝ մաղթելով խաղաղություն, առողջություն, երջանկություն ու մեծագույն հաջողություններ:
Մարտի 8-ը տոնացույցում մեր մայրերի, կանանց ու աղջիկների նկատմամբ անսահման երախտիքի զգացումներ առաջացնող տոներից մեկն է: Եղեք միշտ ուրախ, հմայիչ ու գեղեցիկ, շրջապատված անսպառ ուշադրությամբ ու հոգատարությամբ, հարատև սիրով ու երջանկությամբ, և թող բարին հովանի լինի ձեզ և ձեր ընտանիքներին:
Անհիշելի ժամանակներից հայ կինը եղել և մնում է ընտանեկան օջախի եւ ավանդույթների իրական պահապանը: Եվ թեկուզ ամեն օր չենք ասում այդ մասին, բայց հավատացեք՝ միշտ զգում և բարձր ենք գնահատում ձեր` հոգատար մոր, սիրող կնոջ, հայրենի օջախի անձնուրաց պահապանի առաքելությունը:
Կրկին անգամ ջերմորեն շնորհավորում եմ բոլորիդ գարնանային այս գեղեցիկ տոնի` Մարտի 8-ի և հայ կանանց միամսյակի առթիվ: