2024 թվականի սեպտեմբերի 16-ից 24-ն ընկած ժամանակահատվածում Հայկական ԱԷԿ-ի խնդրանքով ՇԿՀԱ Մոսկովյան կենտրոնի կողմից իրականացվեց աջակցության առաքելություն՝ «Անկախ վերահսկողություն և մոնիթորինգ» թեմայով ։ Աջակցության առաքելության աշխատանքներնին մասնակցեցին  հետևյալ փորձագետները.

• Սեմենենկո Օլեգ (ՇԿՀԱ-ՄԿ խորհրդական, Ռուսաստան);
• Մեդվեդև Պավել Գրիգորևիչ (Գլխավոր տեսուչի տեղակալ - «Ռոսէներգոատոմ Կոնցեռն» ԲԸ գլխավոր տեսուչ, Ռուսաստան),
• Տարուշկո Ալեքսեյ Վլադիմիրովիչ (տեխնիկական տեսչության բաժնի պետ, Բելառուսական ԱԷԿ, Բելառուս),
•  Շիրզադի Սիրուս (անկախ վերահսկողության բաժնի պետ, NPPD, Իրան

Աջակցության առաքելության նպատակները.

• Հայկական ԱԷԿ-ում կորպորատիվ վերահսկողության և մոնիթորինգի վիճակի արտաքին փորձագիտական գնահատման իրականացում:
• Հայկական ԱԷԿ-ում իրականացվող ներքին հսկողության և մոնիթորինգի արդյունավետության բարձրացում:
• «ՀԱԷԿ» ՓԲԸ-ի կողմից իրականացվող միջուկային անվտանգության ապահովման, շահագործման վարման անկախ վերահսկողության արդյունավետության բարձրացում, ինչպես նաև արտադրական գործունեության կատարելագործման վերաբերյալ ընկերության ղեկավարությանը առաջարկությունների մշակում:
• «ՀԱԷԿ» ՓԲԸ կառավարման գործող կառուցվածքի պայմաններում անկախ վերահսկողություն իրականացնելու վերաբերյալ տեղեկատվության և առաջարկությունների ստացում:

Առաքելության ընթացքում միջոցառման մասնակիցները քննարկեցին հետևյալ հարցերը.

• ԱԿ-ի շահագործող կազմակերպության և տեխնիկական տեսչության անկախ վերահսկողության բաժնի/վարչության տիպային կազմը և կառուցվածքը;
• տիպային փոխհարաբերությունները շահագործող կազմակերպության անկախ վերահսկողության բաժնի/վարչության և ԱԿ տեխնիկական տեսչության միջև;
• շահագործող կազմակերպության անկախ վերահսկողության բաժնի/վարչության տիպային գործառույթներն ու պարտականությունները:

Հայկական ԱԷԿ-ի ղեկավարության հետ ամփոփիչ խորհրդակցության ժամանակ փորձագետները ներկայացրեցին անկախ վերահսկողության և մոնիթորինգի բնագավառում ԱԷԿ-ի գործունեության բարելավման վերաբերյալ առաջարկություններ: