Այսօր`  նոյեմբերի 1-ին, տոնական՝ նախաամանորյա տրամադրություն է ՀԱԷԿ-ում:
 «ՀԱԷԿ» ՓԲԸ  և  «МЦОУ» ընկերության  համագործակցության շրջանակներում անցակցվում է   «Ամանորյա ֆանտազիաներ» ստեղծագործական գաղափարների մրցույթը:  
Նոր տարին կախարդանքի ու ցանկությունների կատարման տոն է: Բնականաբար, բոլորս էլ ուզում ենք, որ այս տոնը երկար հիշվի եւ լինի առանձնահատուկ: Իսկ ի՞նչը կարող է լինել ավելի օրիգինալ, քան տոնածառի զարդարանքները, որոնք պատրաստված կլինեն երեխաների  ձեռքերով: Չէ՞ որ տոնածառը Նոր տարվա թագուհին է: Իսկ թագուհուն պետք է զարդարել առանձնահատուկ խաղալիքներով: Մրցույթին մասնակցում են ՀԱԷկ-ի աշխատակիցների երեխաները, ովքեր սեփական ձեռքերով խաղալիքներ ստեղծելու գաղափարներ են առաջարկում: Միջոցառման նպատակն է վերականգնել երեխաների մասնակցությամբ՝ սեփական ձեռքերով պատրաստած խաղալիքներով տոնածառի զարդարման  ավանդույթը:  Միջոցառմանը մասնակցում է մոտ 84 փոքրիկ: 
Օրը վերածվեց  հեքիաթային, ուրախ, ժպիտներով լի տոնի, որտեղ փոքրիկները իրենց պայծառ տրամադրությամբ վարակեցին  բոլորին:  
Սրտի թրթիռ, անհամբեր հայացքներ, պայծառ աչուկներ ու լայն ժպիտներ. ահա թե ինչպես  անցավ մրցութային փուլը: 
Առաջին հայացքից պարզ ու հասարակ թվացող այս ցանկություններն ու պատկերացումներն Ամանորի մասին բացահայտում են մանուկների ներաշխարհը՝ ջինջ, անհոգ ու ջերմ: Փոքրիկների հետ խոսելիս ակամայից ցանկություն է առաջանում գեթ մի պահ տեղափոխվել նրանց փոքրիկ ու տաքուկ աշխարհ, նորից զգալ, թե որքան լավ էր, երբ Ամանորի միակ ցանկությունդ սահմանափակվում էր Ձմեռ Պապիից նվերներ ու շատ կոնֆետներ խնդրելով:
Թող այս աշխարհի բոլոր մանուկները լինեն երջանիկ, անհոգ ու ընտանեկան ջերմությամբ պարուրված, իսկ 2020թ-ը դառնա նրանց համար հեքիաթային ու անակնկալներով լի տարի: 
Պատվավոր ժյուրին, որի կազմում էին նաև «МЦОУ» ընկերության գլխավոր տնօրենը և «ՀԱԷԿ» ՓԲԸ ֆինանսական տնօրենն , առանձնացրեց յուրաքանչյուր տարիքային խմբից  երեք մասնակիցների պատրաստած խաղալիքներ և դրանց հեղինակներին  պարգևատրեց պատվոգրերով ու արժեքավոր նվերներով: