21.09.2020
Էդուարդ Մարտիրոսյանի շնորհավորական ուղերձը ՀՀ անկախության հռչակման օրվա կապակցությամբ
«ՀԱԷԿ» ՓԲԸ սիրելի աշխատակիցներ,
սրտանց շնորհավորում եմ բոլորիս մեր հայրենիքի՝ Հայաստանի Հանրապետության անկախության քսանիններորդ տարեդարձի առթիվ:
1991թ. սեպտեմբերի 21-ին Հայաստանի Հանրապետության անկախության հռչակումը ամբողջ հայության երազանքի իրագործման արձանագրումն էր: Ամբողջ աշխարհի առջև հայը ցույց տվեց, որ պատրաստ է պաշտպանելու իր զավակների արյամբ սրբագործված հայրենի յուրաքանչյուր թիզ հողը:
Անկախության ձեռքբերմամբ հայ ժողովուրդը վերահաստատեց ազատ ապրելու, սեփական ճակատագիրը տնօրինելու և խաղաղ արարելու իր դարավոր ձգտումը: Պատմականորեն կարճ ժամանակահատվածում մեր երկիրը կյանքի բոլոր ոլորտներում իրականացրեց աննախադեպ լայնածավալ բարեփոխումներ` իր արժանի տեղը զբաղեցնելով համաշխարհային մեծ ընտանիքում: Այսուհետ մենք ևս հաստատակամ ենք իրականացնելու հետևողական քայլեր, ուղղված մեր Հայրենիքի հետագա հզորացմանն ու զարգացմանը, մեր ժողովրդի բարեկեցության ապահովմանը:
Վստահ եմ, որ մենք ազգովի հասնելու ենք այդ վսեմ նպատակներին՝ ապավինելով մեր ժողովրդի բոլոր հատվածների միասնականությանը, հարուստ ավանդույթներին և ամուր հավատքին: Հարգելի աշխատակիցներ,
Եվս մեկ անգամ շնորհավորում եմ բոլորիս նվիրական տոնի` անկախության օրվա առթիվ, մաղթում եմ քաջառողջություն, խաղաղ, ստեղծագործ կյանք, անսասան հավատ ապագայի նկատմամբ:
