Սույն թվականի նոյեմբերի 29-ին ՇԿՀԱ Մոսկովյան կենտրոնի նախաձեռնությամբ կայացել է Երիտասարդական շարժման հերթական՝ 4-րդ եռամսա միջազգային առցանց հանդիպումը՝ Մոսկովյան կենտրոնի կազմում գտնվող կայանների, այդ թվում՝ Հայկական ԱԷԿ-ի երիտասարդական շարժման ներկայացուցիչների մասնակցությամբ։

Խորհրդակցության ընթացքում ամփոփվել են երիտասարդական շարժման շրջանակներում կատարված աշխատանքների 2023 թվականի արդյունքները, ներկայացվել է ՇԿՀԱ ՄԿ նպատակների, խնդիրների և առաջիկա ծրագրերի վերաբերյալ տեղեկատվություն, ինչպես նաև ուսուցողական նյութեր՝ ուղղված երիտասարդ էներգետիկների մասնագիտական հմտությունների զարգացմանն ու միջուկային անվտանգության մշակույթի մակարդակի բարձրացմանը, որոնք իրենց հերթին զգալիորեն կնախապատրաստեն և կուղղորդեն նրանց հավանական մարտահրավերներում։