Սեմինարի ընթացքում փորձագետները ներկայացրեցին սարքավորումների ատեստավորման հետ կապված անվտանգության ԱԷՄԳ ստանդարտների վերաբերյալ տեղեկատվություն, ներկայացրեցին պրեզենտացիաներ ՀԱԷԿ-ի էլեկտրական սարքավորումների և հսկիչ-չափիչ սարքերի հնացման կառավարման մեթոդների և մոտեցումների վերաբերյալ` սարքավորումների ատեստավորման շեշտադրումով (ՀԱԷԿ-ի էլեկտրական համակարգերի և բաղադրամասերի և հսկիչ-չափիչ սարքավորումների հնացման կառավարում):

Պրեզենտացիաներում ներկայացված էր Սլովակիայի և Շվեդիայի ԱԷԿ-ների փորձը հետևյալի վերաբերյալ.

• ատեստավորում`ըստ շրջակա միջավայրի պայմանների, հերմետիկ պատյանի ներսում կամ նրա սահմաններից դուրս նորմալ շահագործման և վթարային պայմանների ժամանակ,
• էլեկտրական բաղադրամասերի, հսկման համակարգերի, մեխանիկական սարքավորումների ատեստավորման պահպանման մեթոդները, ինչպես նաև այդ մեթոդների գործնական ասպեկտները,
• մալուխային դեպոզիտի կիրառումը` սարքավորման ատեստավորումը պահպանելու նպատակով,
• շրջակա միջավայրի մոնիթորինգ` որպես սարքավորման ատեստավորման պահպանման մաս,
• սարքավորումների ատեստավորման պահպանման մեթոդների գործնական կիրառումն առանձին ԱԷԿ-ներում,
• ջերմային և ճառագայթումային հնացում: Ազդեցությունը ծառայության ժամկետի վրա,
• թեժ կետերի ծրագիր: