Սույն թվականի հուլիսի 19-ին Արմավիր քաղաքի թիվ 1 մարզադպրոցում կայացել է ՀՀ Արմավիրի մարզի պետական և տեղական ինքնակառավարման մարմինների աշխատակիցների միջև անցկացվող Ֆուտզալի առաջնության մարզային մրցումների 1/2 կիսաեզրափակիչ խաղը: Այս փուլում մրցել են «ՀԱԷԿ» ՓԲԸ և «ՀԷՑ» ՓԲԸ ֆուտբոլային թիմերը: Մեր թիմին երկրպագելու և ոգեշնչելու նպատակով հանդիպմանը ներկա են եղել Հայկական ԱԷԿ-ի ներկայացուցիչները:

Հետաքրքիր և գերլարված պայքարում ՀԱԷԿ-ի թիմը փայլուն արդյունք է ցուցաբերել. կասեցնելով ամենաանհավանական հարվածները՝ թիմի դարպասապահն ապահովել է մեր թիմի հաղթանակը՝ 1:0 հաշվով:

Մինչ այդ ս/թ հուլիսի 15-ին կայացած 1/4 կիսաեզրափակչում ՀԱԷԿ-ի թիմը 12:1 հաշվով հաղթանակ էր գրանցել ՀՀ ՆԳՆ Ոստիկանության Արմավիրի մարզային վարչության թիմի հետ խաղում:

Եզրափակիչ խաղը տեղի կունենա 2023 թվականի հուլիսի 21-ին, որի ընթացքում ՀԱԷԿ-ի ֆուտբոլային թիմը մրցելու է Հայաստանում տեղակայված ռուսական սահմանապահ զորամասի թիմի հետ: