Ս/թ հուլիսի 4-ին ՀԱԷԿ-ում էին ԱՄՆ կառավարության՝ մասնավորապես Էներգետիկայի դեպարտամենտի, PNNL-ի և WSC-ի ներկայացուցիչները: Աշխատանքային հանդիպմանը մասնակցել են նաև «Հայատոմ ԳՀԻ» ՓԲԸ ներկայացուցիչները: Այցի օրակարգում ներառված էին ԱՄՆ պետդեպարտամենտի աջակցությամբ իրականացվող ընթացիկ նախագծերի և հետագա համագործակցության վերաբերյալ հարցեր:

Ամերիկյան կողմի համաֆինանսավորմամբ ընթացքի մեջ է լիամասշտաբ վարժասարքի (ԼՄՎ) ներդրմանն ուղղված նախագիծը. ակտիվ և գործուն քայլեր են ձեռնարկվում այն ավարտին հասցնելու ուղղությամբ: Հատկանշական է ԼՄՎ դերն ու նշանակությունը  օպերատիվ անձնակազմի ուսուցման կազմակերպման գործում, ինչը կնպաստի թիվ 2 էներգաբլոկի  հուսալի և անվտանգ շահագործմանը:

Խորհրդակցության ընթացքում քննարկվել են նաև ՀԱԷԿ-ի հետագա շահագործմանը վերաբերող առանցքային այլ հարցեր, այն է՝ աշխատած վառելիքի չոր պահեստարանի նոր մոդուլի կառուցման, ճառագայթաակտիվ թափոնների ժամանակավոր պահման խնդիրները և այլն: 

ԼՄՎ սրահ կազմակերպված շրջայցի ընթացքում հյուրերը ծանոթացել են վարժասարքի արդիականացման ուղղությամբ կատարված աշխատանքների ծավալներին: Արդյունքների վրա հիմնվելով՝ կողմերը հույս են հայտնել, որ  ԼՄՎ-ն շահագործման կհանձնվի նախատեսված ժամկետում: